Hazrat Abu Hafz, Rabee bin Sabeeh urfe Sawaai Peer rahmatullāhi alaihi :
♦♦♦♦♦♦♦♦♦♦♦♦♦♦♦♦♦♦♦♦
Aap ki wilaadat Basra me hui.
Aap ke waalid Banu Saad bin Banaat bin Tazeem qabeele ke aazaad karda ghulaam the.
****************
Aap Tabe taabi'een hain.
Aap ne Hazrat Khwaja Hasan Basri, Imaam Ata’a bin Abi Rabaah Makki, Imaam Yazeed Rakkashi, aur Imaam Abu Zuberi rahmatullāhi alaihi se ta’aleem haasil ki.
Aap Hadeeṡ aur fiq'h ke maahir the.
Aap un Muhaddeeṡeen me se hain jinho ne dusri sadi hijri me Ahaadeeṡ ko jama karke logo tak pahunchaana shuru kiya.
Hazrat Imaam Ahmad bin Hanbal ki kitaab me Aap se kai Hadeeṡ marwi hain.
*******************
Aap 159 Hijri (775 A.D.) me al-Mahndi Billāh Abbaasi ke zamaane me Hazrat Abdul Malik bin Shihaab al-Masmai ke saath isha’ate Islaam ke liye Hindustan tasheeef laaye.
Aur Bhadbhoot (Gujarat) me sukoont pazeer hokar ta’aleeme deen aur khidmate khalq karte rahe.
****************
Ek martaba Aap ke ek saathi ne Aap se kaha ke ‘Kuchh log aap ko ruswa karne ke liye aap ki buraai talaash karte rehte hain.’
Aap ne farmaaya ke ‘Is se pareshaan hone ki zaroorat nahi. Maine aakhirat ki taraf rooju kiya use dunya se behtar paaya, Maine Rahmān [ALLĀH ta’ala] se raghbat ki to wo mujh se raazi hua, maine logo se hone waale nuqsaan se khud ko salaamat karne ki koshish ki to nakaam raha kyun ki insaan apne khaaliq se bhi khush nahi hai to dusre insaan se kaise khush ho sakta hai.’
****************
160 Hijri (776 A.D.) me jab Bhadbhoot me Taaoon (plague) ki beemaari phaili. Aap mareezo ka ilaaj karne lage.
Aur isi bemaari ke sabab Aap ka aur aap ke kai shaagirdo ka inteqaal hua.
****************
Aap ka 16 Moharram 160 Hijri (November 776 A.D.) ko hua.
Aap ka mazaar Savai bet, Pipavav (Gujarat) me hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Rabee bin Sabeeh urfe Sawaai Peer rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
https://youtu.be/pe164UJ8mm8
1. QUBOOL-E-ISLAM ME AWWAL AUR NAMAZ PADHNE ME AWWAL 1. "Ek Ansari Shakhs Abu Hamza se riwayat karte hain ke maine Hazrat Zaid bin Arqam RadiAllahu Anhu ko farmate hue suna ke sabse pehle Hazrat Ali RadiAllahu Anhu Imaan laaye." Is Hadees ko Imam Tirmizi ne riwayat kiya hai aur kaha hai ke ye Hadees Hasan Saheeh hai. 2. "Hazrat Zaid bin Arqam RadiAllahu Anhu se he marvi ek riwayat me ye alfaaz hain: "Huzoor Nabi-e-Akram SallAllahu Alaihi wa Aalihi wa Sallam par sabse pehle Islam laane waale Hazrat Ali RadiAllahu Anhu hain." Is Hadees ki Imam Ahmed bin Hanbal ne riwayat kiya hai. 3. "Hazrat Anas bin Maalik RadiAllahu Anhu se riwayat hai ke Peer ke din Huzoor Nabi-e-Akram SallAllahu Alaihi wa Aalihi wa Sallam ki Baysat hui aur Mangal ke din Hazrat Ali RadiAllahu Anhu ne Namaz padhi." Is Hadees ko Imam Tirmizi ne riwayat kiya hai. 4. "Hazrat Abdullah ibne Abbas RadiAllahu Anhuma se riwayat hai ke wo farmate hain sabse pehle Hazrat Ali RadiAl
Comments
Post a Comment