Aadab e Masjid :
♦♦♦♦♦♦
Masjid me dunya ki baaten karna aur fuzool kaam karna gunaah hai.
Yunhi Wuzu ke dauraan bhi dunya ki baaten karna gunaah hai.
Masjid me daakhil hone se pehle hi apne mobile band kar len
Aur Masjid se baahar aane ke baad hi mobile ‘On’ karen.
Agar galti se masjid me mobile ‘On’ reh gaya ho aur ring baje to foran band kar len.
Taake namaaz me khalel na ho.
Aur jo log Namaaz padh rahe ho ya namaaz ke baad Zikr o Durood padh rahe ho ya Dua kar rahe ho un ko takleef na ho.
Aur Namaaz aur Zikr me khushu aur khuzu rahe.
Aur aap masjid me music bajaane ke gunaah se bhi bach jaayen.
Namaaz aap ke business ya dusre kaamo se Afzal hai.
Ye baat khud bhi yaad rakhe aur dusro ko bhi batayen.
***************
ALLĀH ta’ala us ke Habeeb sallallāhu alaihi wa sallam ke sadqe me sab ko aadaab e masjid ka khayaal rakhne ki taufiq ata farmae.
Aur in baato ko yaad rakhkar amal karne ki aur dusro ko bataane ki taufiq ata farmae.
Aameen.
1. QUBOOL-E-ISLAM ME AWWAL AUR NAMAZ PADHNE ME AWWAL 1. "Ek Ansari Shakhs Abu Hamza se riwayat karte hain ke maine Hazrat Zaid bin Arqam RadiAllahu Anhu ko farmate hue suna ke sabse pehle Hazrat Ali RadiAllahu Anhu Imaan laaye." Is Hadees ko Imam Tirmizi ne riwayat kiya hai aur kaha hai ke ye Hadees Hasan Saheeh hai. 2. "Hazrat Zaid bin Arqam RadiAllahu Anhu se he marvi ek riwayat me ye alfaaz hain: "Huzoor Nabi-e-Akram SallAllahu Alaihi wa Aalihi wa Sallam par sabse pehle Islam laane waale Hazrat Ali RadiAllahu Anhu hain." Is Hadees ki Imam Ahmed bin Hanbal ne riwayat kiya hai. 3. "Hazrat Anas bin Maalik RadiAllahu Anhu se riwayat hai ke Peer ke din Huzoor Nabi-e-Akram SallAllahu Alaihi wa Aalihi wa Sallam ki Baysat hui aur Mangal ke din Hazrat Ali RadiAllahu Anhu ne Namaz padhi." Is Hadees ko Imam Tirmizi ne riwayat kiya hai. 4. "Hazrat Abdullah ibne Abbas RadiAllahu Anhuma se riwayat hai ke wo farmate hain sabse pehle Hazrat Ali RadiAl
Comments
Post a Comment