Noor Kaise Muntaqil Huwa ?
“Hazrat Jabir Bin Abd-ul-Allah RadiyAllahu Ta’ala Anhu Se Riwayat Hai RasoolAllah SallAllahu Ta’ala Alayhi Wa Aalihi Wa Sallam Ne Farmaya Ki Allah Ta’ala Ne Mujh Ko Aur Ali Ko Do-02 Noor Bana Kar Apne Arsh Ke Saamne Paida Farmaya.
Takhliq-E-Aadam Se Do-02 Hazaar Saal Qabl Hum Khuda Ta’ala Kee Tasbih Wa Taqdis Karte They.
Phir Jab Allah Ta’ala Ne Hazrat Aadam Alayh-is-Salam Ko Paida Kiya To Hamaara Noor Un Kee Pusht Me Jaaguzi’n Farmaya.
Jo Aslaab Wa Arhaam-E-Tayyibaat Wa Taahiraat Me Muntaqil Hota Huwa Hazrat Ibrahim Alayh-is-Salam Kee Pusht Me Thehra Aur Waha’n Se Paakizah Sulbon Aur Arhaam-E-Taahirah Me Phirta Huwa Hazrat Abd-ul-Muttalib RadiyAllahu Ta’ala Anhu Kee Pusht Me Jalwa Afroz Huwa.
Waha’n Se Do-Tihaayi Hissa Hazrat Abd-ul-Allah RadiyAllahu Ta’ala Anhu Ko Aur Aik-Tihaayi Hisssa Hazrat Aboo Talib RadiyAllahu Ta’ala Anhu Ko Mila.
Phir Woh Noor Mujh SallAllahu Ta’ala Alayhi Wa Aalihi Wa Sallam Se Aur Ali KarramAllahu Ta’ala Waj’hah-ul-Karim Se Fatimah Me Aa Kar Mujtama’ Ho Gaya Pas Hasan Alayh-is-Salam Aur Husain Alayh-is-Salam Parwardigar-E-Aalamin Ke Do-02 Noor Hain.”
–
[Nuzhat-ul-Majalis, 02/230,Mushkil Kusha Alayh-is-Salam, Bab : Walidayni Mushkil Kusha, 01/47, 48.]
Aisi Hee Aik Riwayat Hazrat Allama Maulana Muhammad Ja’far Apni Mash’hoor Kitab “Tadhkirat-ul-Wa’izin” Me Naqal Farmate Hain.
Chunanchi Unhone Likha Hai Ki :_“Hazrat Aboo’l Aas RadiyAllahu Ta’ala Anhu Riwayat Bayan Karte Hain Ki Huzoor SallAllahu Ta’ala Alayhi Wa Aalihi Wa Sallam Ne Hazrat Ali KarramAllahu Ta’ala Waj’hah-ul-Karim Ko Mukhaatib Kar Ke Irshaad Farmaya :
Aye Ali Alayh-is-Salam!
Hum Aur Tum Aslaab Wa Arhaam-E-Tayyibaat Wa Taahiraat Me Muntaqil Hote Rahe Hain Aur Humein Jahaalat Ka Zamaana Nahin Chhu Saka.”
–
[Tadhkirat-ul-Wa’izin, Safah-169,Mushkil Kusha Alayh-is-Salam, Bab : Walidayni Mushkil Kusha, 01/48, 49.]
In Riwayat Se Yeh Haqiqat Waazeh Ho Jaati Hai Ki Jis Tarah Huzoor Rehmat-ul-LilAalamin SallAllahu Ta’ala Alayhi Wa Aalihi Wa Sallam Ke Waalidain Karimain Kufr Aur Shirk Kee Najasaton Se Paak Aur Taahir They Usi Tarah Hazrat Ali KarramAllahu Ta’ala Waj’hah-ul-Karim Ke Walidain Karimain Bhi Shirk Wa Kufr Kee Najaasaton Se Paak Wa Tayyib Wa Taahir They.
Mash’hoor Muhaddith Aur Faqih Allama Muhibb Tabari Rahmat-ul-Allahi Ta’ala Alayh Apni La-Jawaab Tasnife Latif “Riyad-un-Nadarah Fi Manaqib-il-Ashrah” Me Hazrat Ali KarramAllahu Ta’ala Waj’hah-ul-Karim Ke Khasa’is Ke Baab Me Imam Ahmad Bin Hanbal Kee Kitab “Al-Manaqib” Ke Hawaale Se Yeh Hadith Naqal Karte Hain Ki :_
Hazzrat Salman Farsi RadiyAllahu Ta’ala Anhu Ne Riwayat Bayan Kee Hai Ki Mein Ne RasoolAllah SallAllahu Ta’ala Alayhi Wa Aalihi Wa Sallam Ko Yeh Farmate Huwe Suna Ki !
“Mein Aur Ali Alayh-is-Salam Takhliq-E-Aadam Alayh-is-Salam Se Chaudah Hazaaar Baras Pehle Aik Noor Kee Soorat Me Allah Tabarak Wa Ta’ala Ke Huzoor Me Maujood They.
Phir Jab Allah Ta’ala Ne Aadam Alayh-is-Salam Ko Paida Farmaya To Us Noor Ko Do-02 Aj’za’ Me Taqsim Farmaya Chunanche Aik Juz Mein SallAllahu Ta’ala Alayhi Wa Aalihi Wa Sallam Aur Aik Juz Ali KarramAllahu Ta’ala Waj’hah-ul-Karim Hain”.
–
[Muhibb-ud-Deen Tabari Fi Ar-Riyad-un-Nadarah Fi Manaqib-il-Ashrah,02/217,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/184, 185.]
“Riyad-un-Nadarah” Kee Is Hadith Ke Ilaawah Mufti-E-Aazam Qustuntuniya Saiyad Sulaiman Hanafi Qundoozi Rahmat-ul-Allahi Ta’ala Alayh Apni Mash’hoor-E-Zamana Kitab “Yanabi’-ul-Mawaddah” Me Is Riwayat Se Milti Julti Hadith Muta’addad Kutub-E-Ahadith Wa Manaqib Se Naqal Farmate Hain”
Aap Ne Is Pehli Riwayat Ko Aboo’l Hasan Ali Bin Muhammad Al-Ma’roof Ibn Maghazili Wasiti Safi’iy Kee “Kitab-ul-Manaqib” Aur Allama Daylami Kee Mash’hoor Zamana Kitab “Al-Firdaws” Se Naqal Karte Huwe Likha Hai Ki Woh Sanad Ke Sath Naqal Karte Hain Ki :_
“Hazrat Salman Farsi RadiyAllahu Ta’ala Anhu Ne Hadith Bayan Farmayi Ki Mein Ne Apne Habib Muhammad Mustafa SallAllahu Ta’ala Alayhi Wa Aalihi Wa Sallam Ka Yeh Irshaad Suna Hai Aap Ne Farmaya Ki Mein Aur Ali Khilqat-E-Aadam Alayh-is-Salam Se Chawdah Hazaar Saal Qabl Aik Noor Kee Soorat Me Maujood They Aur Hamara Yeh Noor Allah Ta’ala Kee Tasbeeh Aur Taqdees Bayaan Karta Tha.
Jab Allah Ta’ala Ne Aadam Alayh-is-Salam Ko Paida Farmaya To (Hamare) Us Noor Ko Sulb-E-Aadam Alayh-is-Salam Me Wadiy’at(Supurdagi) Farma Diya Chunanche Mein SallAllahu Ta’ala Alayhi Wa Aalihi Wa Sallam Aur Ali Alayh-is-Salam Hameshshsa Waahid Chiz Kee Soorat Me Rahe.
Hatta Ki Sulb-E-Abd-ul-Muttalib Me Aa Kar Mutafarrique Ho Gaye Aur Mere Liye Nubuwwat Aur Ali Ke Liye Wilaayat Muqarrar Huwi”.
–
[Yanabi’-ul-Mawaddah Li Dhaw-il-Qurba, 01/10,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/185 Ta 187.]
Allama Sulaiman Hanafi Qundoozi Doosari Riwayat Hazrat Aboo Dhar Ghaffari RadiyAllahu Ta’ala Anhu Kee Sanad Se Ibn Al-Maghazili Kee Kitab “Al-Manaqib” Se Bhi Is Tarah Naqal Farmate Hain :
Neez Ibn Al-Maghazili Salim Ibn Ja’d Se Woh Hazrat Aboo Dhar Ghaffari RadiyAllahu Ta’ala Anhu Ne Farmaya Ki Mein Ne RasoolAllah SallAllahu Ta’ala Alayhi Wa Aalihi Wa Sallam Ko Yeh Farmate Huwe Suna Ki :
“Mein SallAllahu Ta’ala Alayhi Wa Aalihi Wa Sallam Aur Ali Alayh-is-Salam Noor Kee Soorat Me Arsh Ke Daaiyn Taraf Aadam Alayh-is-Salam Kee Takhliq Se Chawdah Hazaar Saal Qabl Allah Azza Wa Jalla Ke Huzoor Maujood They.
Hamaara Yeh Noor Allah Ta’ala Kee Tasbeeh Wa Taqdees Bayan Karta Tha.
Mein Aur Ali Alayh-is-Salam Hamessha Aik Hee Noor Kee Soorat Me Rahe Hatta Ki Hamein Sulb-E-Abd-ul-Muttalib RadiyAllahu Ta’ala Anhu Me Alahiydah Alahiydah Kar Diya.
Chunanche Aik Juz Mein (SallAllahu Ta’ala Alayhi Wa Aalihi Wa Sallam) Aur Aik Juz Ali (Alayh-is-Salama) Hain”.
–
[Yanabi-ul-Mawaddah Li Dhaw-il-Qurba, 01/10,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/187, 188.]
Teesari Riwayat Allama Sulaiman Rahmat-ul-Allahi Ta’ala Alayh Imam Hamwini Kee Mash’hoor Taalif-E-Mubaraka “Fara’id-ul-Simtayn” Se Asnaad-E-Ahl-E-Bait Ke Saath Naqal Karte Huwe Raqamtaraaz Hain Ki :
“Fara’id-ul-Simtayn” Me Hamwini Ne Ziyaad Bin Mundhar Se Unhone Aboo Ja’far Imam Muhammad Baqar Se Imam Muhammad Baqar Alayh-is-Salam Ne Apne Waalid (Imam Ali Bin Husain Zayn-ul-Aabidin) Se Riwayat Bayan Karte Huwe Farmaya Ki Hamare Daada Imam Husain Alayh-is-Salam Ne Irshaad Farmaya Ki “Hamare Waalid-E-Maajid” Hazrat Ali Alayh-is-Salam RasoolAllah SallAllahu Ta’ala Alayhi Wa Aalihi Wa Sallam Se Riwayat Bayan Karte Hain Ki RasoolAllah SallAllahu Ta’ala Alayhi Wa Aalihi Wa Sallam Ne Farmaya :
“Aye Ali Mein Aur Too Donon Allah Tabarak Wa Ta’ala Ke Huzoor Me Hazrat Aadam Alayh-is-Salam Kee Paidaish Se Chawdah Hazaaar Saal Qabl Aik Noor Kee Shakl Me Maujood They Jab Allah Tabarak Wa Ta’ala Ne Hazrat Aadam Alayh-is-Salam Ko Paida Farmaya To Hamaare Us Noor Ko Musalsal Aik Se Doosari Pusht Me Muntaqil Farmaata Raha Hatta Ki Yeh Noor Sulb-E-Abd-ul-Muttalib RadiyAllahu Ta’ala Anhu Me Jaaguzi’n Farmaya Gaya, Phir Is Ko Do-02 Hisson Me Taqsim Farma Kar Aik Hisa Mere Waalid Abd-ul-Allah RadiyAllahu Ta’ala Anhu Aur Doosara Hissa Mere Chacha Aboo Talib RadiyAllahu Ta’ala Anhu Ke Aslaab Me Muqarrar Farmaya.
Chunanche Ali Mujh Se Hai Aur Mein Ali Se Hoo’n Us Ka Gosht Mera Gosht Aur Us Ka Khoon Mera Khoon Hai.”
Allama Sulaiman Hanafi Farmate Hain Ki “Fara’id-ul-Simtayn” Me Aane Waali Yeh Hadith BiAynihi “Muwafiq Khawarizmi” Ne Bhi Naqal Famayi Hai.
–
[Yanabi-ul-Mawaddah Li Dhaw-il-Qurba, 01/11,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/187, Ta 190]
Hairat Hai Ki Ahl-E-Sunnat Kee Mash’hoor Kitabon Me Is Qism Kee Riwayat Kee Maujoodgi Ke Ba-Wajood Kuchhh Hazaraat Yeh Kaise Keh Dete Hain Ki Huzoor Sarwar-E-Kaainaat SallAllahu Ta’ala Alayhi Wa Aalihi Wa Sallam Ka Yeh Farmanاَنَا وَ عَلِیًّ مِنْ نُّوْرٍ وَّاحِدٍ Aap SallAllahu Ta’ala Alayhi Wa Aalihi Wa Sallam Kee Hadith Hee Nahin Balki Raafzion Kee Manghadat Riwayat Hai.
Hala’n Ki Janab Risalat Ma’ab SallAllahu Ta’ala Alayhi Wa Aalihi Wa Sallam Aur Hazrat Ali KarramAllahu Ta’ala Waj’hah-ul-Karim Ka Aik Noor Hona Deegar Muta’ddad Taraa’iq Se Bhi Qati’ Taur Par Saabit Hai.
Ho Sakta Hai Ki Woh Hazaraat Sarwar-E-Kaainaat SallAllahu Ta’ala Alayhi Wa Aalihi Wa Sallam Kee Zaat-E-Aqdas Ko Hee Noor Maan Ne Se Gurez Karte Ho’n Jaisa Ki Aaj Kal Muta’ddad Naam Nihaad Muhaqqiqin “اَنَا بَشَرٌ مِثْلُکُم” Kee Aad Le Kar Qur’an Wa Hadith Kee Doosari Tamaam Tar Nusoos Ko Nazar Andaaz Kar Dete Hain, Jin Me Waazeh Taur Par Huzoor Rahmatal LilAalamin Alayh-is-Salatu Wa’t-Taslim Ka Noor-E-Awwal Hona Roz-E-Roshan Kee Tarah Darkhshindah Wa Taabindah Hai.“Yanabi’-ul-Mawaddah” Ke Mazeed Do Hawaale Mulaahiza Farmaein.
Jin Se Huzoor Sarwar-E-Qaainat SallAllahu Ta’ala Alayhi Wa Aalihi Wa Sallam Aur Hazrat Ali KarramAllahu Ta’ala Waj’hah-ul-Karim Ka Noor-E-Waahid Hona Aur Takhliq-E-Aadam Se Qabl Aik Saath Rehna Saabit Hota Hai.Allama Hamwini “Fara’id-ul-Simtain” Me Sanad Ke Saath Saeed Bin Jubair Se Riwayat Karte Hain Ki Hazrat Abd-ul-Allah Bin Abbas RadiyAllahu Ta’ala Anhuma Farmate Hain Ki RasoolAllah SallAllahu Ta’ala Alayhi Wa Aalihi Wa Sallam Ne Hazrat Ali KarramAllahu Ta’ala Waj’hah-ul-Karim Ko Farmaya Ki :
“Ya Ali !
Allah Ta’ala Ne Mujh Ko Aur Tujh Ko Noor Se Paida Farmaya Hai.”
–
[Yanabi’-ul-Mawaddah Li Dhaw-il-Qurba, 01/11,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/191, 192.]
Muwafiq Bin Ahmad Khawarizmi Sanad Ke Saath Riwayat Bayan Karte Hain Ki Riwayat Bayan Kee Umaish Ne Unhone Aboo Waa’il Se Ki Hazrat Abd-ul-Allah Ibn Mas’ood RadiyAllahu Ta’ala Anhu Farmate Hain Ki RasoolAllah SallAllahu Ta’ala Alayhi Wa Aalihi Wa Sallam Farmaya Ki Jab Allah Tabarak Wa Ta’ala Ne Hazrat Aadam Alayh-is-Salam Ko Paida Farmaya Aur Un Me Rooh Ko Phunka To Janab Aadam Alayh-is-Salam Ko Chhink Aa Gayi Jis Par Unhone Kaha Ki “Al-Hamdulillah” Allah Tabarak Wa Ta’ala Ne Aadam Alayh-is-Salam Par Wahiy Kee Ki Too Ne Meri Hamd Bayaan Kee Hai.
Mujhe Apni Izzat Aur Jalaal Ke Qasam Agar Mujhe Apne Do Bandon Ko Paida Farmana Maqsood Na Hota To Tumhein Harghzi Paida Na Farmata.Aadam Alayh-is-Salam Ne Arz Kee :
Ilaahi Kya Woh Donon Mujh Se Honge ?
Farmaya :
Haa’n Tumhin Se Paida Honge.
Phir Farmaya Ki Aye Aadam !
Apni Nazar Ko Oopar Uthaao Aur Dekho….Hasb-ul-Hukm Jab Aadam Alayh-is-Salam Ne Oopar Nazar Uthaayi To Arsh Par Dekha, Allah Ke Siwa Koi Ma’bood Nahin Muhammad SallAllahu Ta’ala Alayhi Wa Aalihi Wa Sallam Allah Ke Rasool Aur Nabiyy-E-Rehmat Hain Aur Ali Alayh-is-Salam Hujjat Ko Qaaim Karne Waale Hain.”
–
[Yanabi’-ul-Mawaddah Li Dhaw-il-Qurba, 01/11,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/192, 193.]
Noor Ke Mazeed Hawale
Qudwat-us-Saalikin Imam-ul-Aarifin Hazrat Janab Saiyad Ali Bin Shihab-ud-Deen Hamdani Quddis Sirruh-ul-Aziz Apni Mash’hoor Zamana Talife Mubaraka “Mawaddat-ul-Qurba” Me Sarkar-E-Do Aalam SallAllahu Ta’ala Alayhi Wa Aalihi Wa Sallam Aur Janab Aur Janab Ali RadiyAllahu Ta’ala Anhu Ke Aik Noor Se Hone Ke Muta’lliq Aathwen Mawaddah Ke Tahet Baab Muqarrar Farma Kar Riwayat Naqal Farmate Hain Ki :_
“Hazrat Uthman Dhun-Noorain RadiyAllahu Ta’ala Anhu Se Riwayat Hai Ki RasoolAllah SallAllahu Ta’ala Alayhi Wa Aalihi Wa Sallam Ne Irshad Farmaya Ki Mein Aur Ali Aik Noor Se Hain.
Aur Takhliq-E-Aadam Se Chaar Hazaar Saal Qabl Hamaara Noor Maujood Tha.Phir Jab Allah Tabarak Wa Ta’ala Ne Hazrat Aadam Alayh-is-Salam Ko Paida Farmaya To Hamaara Yeh Noor Un Kee Sulb-E-At’har Ka Raakib Bana Aur Phir Yeh Noor Hamessa Aik Hee Shakl Wa Soorat Me Maujood Raha Hatta Ki Hum Donon Hazrat Abd-ul-Muttalib RadiyAllahu Ta’ala Anhu Kee Pusht-E-Anwar Se Mutafarrique Ho Gaye.
Pas Mere Liye Nubuwwat Aur Ali Ke Liye Wasiyyat Mukarrar Farmayi Gayi”.
–
[Mawaddat-ul-Qurba Muallifah Saiyad Ali Bin Shihab-ud-Deen Hamdani Ma’ Yanabi’-ul-Mawaddah, 02/256,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/193, 194.]
Is Zimn Me Saiyad Ali Bin Shihab-ud-Deen Hamdani Rahmat-ul-Allahi Ta’ala Alayh Kee Doosari Hadith Baraah-E-Raast Hazrat Ali KarramAllahu Ta’ala Waj’hah-ul-Karim Kee Sanad Se Bayan Karte Huwe Majhkoorah Baala Kitab Me Raqamtaraaaz Hain Ki :_
Hazrat Ali RadiyAllahu Ta’ala Anhu Riwayat Bayaan Farmate Hain Ki RasoolAllah SallAllahu Ta’ala Alayhi Wa Aalihi Wa Sallam Ne Mujhe Irshaad Farmaya :
“Ya Ali !
Allah Tabarak Wa Ta’ala Ne Mujh Ko Aur Tujh Ko Apne Noor Se Paida Farmaya Phir Jab Allah Tabarak Wa Ta’ala Ne Aadam Alayh-is-Salam Ko Paida Farmaya To Hamaare Is Noor Ko Un Kee Sulb Me Wadiy’at Farmaya Gaya Phir Hamessha Mein Aur Too Aik Chiz Kee Haysiyyat Se Rahe.
Phir Yeh Mera Aur Tera Noor Sulb-E-Abd-ul-Muttalib RadiyAllahu Ta’ala Anhu Me Mutafarriq Ho Gaya To Mujh Se Nubuwaat Wa Risaalat Ka Zahoor Huwa Aur Tere Liye Wasiyyat Aur Imaamat Qaaim Kee Gayi.”
–
[Mawaddat-ul-Qurba Muallifah Saiyad Ali Bin Shihab-ud-Deen Hamdani Ma’ Yanabi’-ul-Mawaddah, 02/256,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/194, 195.]
Teesari Riwayat Mutazakkarah Baala Kitab Me Huzoor SallAllahu Ta’ala Alayhi Wa Aalihi Wa Sallam Aur Janab Haidar-E-Karrar Alayh-is-Salam Ke Shajr-E-Waahid Hone Ke Zimn Me Is Tarah Marqoom Hai Ki :_
Ibn Abbas RadiyAllahu Ta’ala Anhuma Farmate Hain Ki RasoolAllah SallAllahu Ta’ala Alayhi Wa Aalihi Wa Sallam Ne Farmaya :
Mein Aur Ali Aik Darakht Se Paida Huwe Hain Jab Ki Doosare Log Mukhtalif Ashjaar Se Paida Huwe.
Allah Ta’ala Ne Mujh Ko Aur Ali Ko Aik Darakht Se Paida Kiya, Mein Us Darakht Kee Asal Hoo’n Aur Ali Us Kee Far’a(Shaakh) Hain.”
–
[Al-Mawaddah Fi’l-Qurba,/254,Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/195, 196.]
Agar Is Zimn Me Pesh Kardah Tamam Riwayat Se I’raaz Bhi Kar Liya Jaaye To Jab Bhi Sarwar-E-Ambiya’ SallAllahu Ta’ala Alayhi Wa Aalihi Wa Sallam Ka Yeh Farman Ki :
“خلقت انا و على من نور”
“Ya’ni Allah Ne Mujhe Aur Ali Ko Noor Se Paida Farmaya”Aap SallAllahu Ta’ala Alayhi Wa Aalihi Wa SallamKe Doosare Kai Faraamin Se Qati’ Taur Par Saabit Hai.
Masalan Aap SallAllahu Ta’ala Alayhi Wa Aalihi Wa Sallam Farmate Hain :“انا و على من نورٍ واحد”
“Ya’ni Mein Aur Ali Aik Noor Se Hain”“انا و على من شجرٍ واحد”
“Mein Aur Ali Aik Darakht Se Hain”“انا و على من نفس واحد”
“Mein Aur Ali Aik Jaan Se Hain”“على منّى و انامنه”
“Ali Mujh Se Hai Aur Mein Ali Se Hoo’n”
Waghairah Waghairah ..In Tamam Ahadith-E-Rasool SallAllahu Ta’ala Alayhi Wa Aalihi Wa Sallam Kee Tafsil Hum Phir Kabhi Pesh Karege Yaha’n To Yeh Batana Hai Ki Jab Ki Usool-E-Hadith Ke Mutaabiq Hadith Bil-Ma’ni Khwaah Woh Aamaal Ke Muta’lliq Hee Kyn Na Ho Qaabil-E-Qubool Hai To Faza’il Me Aane Waali Hadith Ko Ma’mooli Taghayyure Lafzi Kee Wajah Se Mauzoo’ Qaraar De Dena Mahaz Tahakkum Aur Ta’assub Nahin To Aur Kya Hai ?
–
[Mushkil Kusha Alayh-is-Salam, Bab : Anwar-E-Nam-E-Ali Alayh-is-Salam, 01/202, 203.]Talib-E-Duaa.. ….
Hadith-E-Noor
Huzoor Nabi-E-Akram SallAllahu Ta’ala Alayhi Wa Aalihi Wa Sallam Aur Hazrat Ali KarrmAllahu Ta’ala Waj’hah-ul-Karim Ka Aik Noor Se Hona :
“انا و على من نور واحد ”
Asma-E-Sahaba-E-Kiram Riwayat Hadith-E-Noor
01 : Hazrat Ali Ibn Abi Talib KarrmAllahu Ta’ala Waj’hah-ul-Karim.
Aap Kee Riwayat Ko Saalihaani, Kalaa’i, Saiyad Muhammad Jaafar Makki,
Ibrahim Wasaabi, Muhammad Waa’iz Harwi, Muhammad Sadr-ul-Aalam Ne Likha Hai.
02 : Hazrat Imam Husain Alaihissalam.
Aap Kee Riwayat Ko Aasimi, Akhtab Khwaarizm, Matarzi, Shahab-ud-Deen Ahmad Ne Likha Hai.
03 : Hazrat Salman Farsi RadiyAllahu Ta’ala Anhu.
Un Kee Riwayat Ko Ahmad Bin Hanbal, Abd-ud-Allah Ibn Ahmad, Ibn Al-Maghazili, Shirwiyah Daylami Natanzi, Shahardar Daylami, Akhtab Khawaarizm, Ibn Asakir, Hamwini, Sharf-ud-Deen Mahmood Taalibi, Ali Hamdani Muhammad Bin Yusoof Kanji, Muhib-ud-Deen Tabari, Ibrahim Wasaabi, Muhammad Waa’iz Harwi, Muhammad Sadr-ul-Aalam Ne Likha Hai.
04 : Hazrat Aboo Zar Ghaffari RadiyAllahu Ta’ala Anhu.
In Kee Riwayat Ko Ibn Al-Maghazli Ne Likha Hai
05 : Hazrat Jaabir Ibn Abd-ul-Allah Ansari Un Kee Riwayat Ko Bhi Ibn Al-Maghazli Ne Likha Hai.
06 : Haztrat Abd-ul-Allah Ibn Abbas RadiyAllahu Ta’ala Anhuma.
Un Kee Riwayat Ko Khatib Baghdadi, Natanzi Muhammad Bin Yusoof Kanji, Hamini Zarandi, Shahab-ud-Deen Ahmad, Jamal-ud-Deen Muhaddith Ne Zikr Kiya Hai.
07 : Hazrat Aboo Hurayrah RadiyAllahu Ta’ala Anhu.
Un Kee Riwayat Ko Ibrahim Bin Muhammad Hamwini Ne Likha Hai.
08 : Hazrat Anas Bin Malik RadiyAllahu Ta’ala Anhu.
Un Kee Riwayat Ko Aboo Muhammad Bin Muhammad Ali Aasimi Ne Likha Hai.
Asma-E-Tabaeyn-E-Izaam Riwayat-E-Hadith-E-Noor
01 : Hazrat Imam Zayn-ul-Aabedin Ali Bin Al-Hasan Alaihissalam.
02 : Aboo Umar Zaadhaan Kandi.
03 : Aboo Uthman Zari.
04 : Saalim Bin Abi Al-Ja’ad Ashja’iy.
05 : Aboo Zubayr Muhammad Bin Muslim, Asadi Makki.
06 : Akramah Bin Abd-ul-Allah Burayri.
07 : Abd-ur-Rahman Bin Ya’qoob Juhni Madani.
08 : Aboo Ubaydah Hameed At-Taweel Basari.
Asma-E-Muhaddithin Wa Ulama-E-Kibaar Riwayat Hadith-E-Noor
01 : Imam Ahmad Bin Muhammad Hanbal RadiyAllahu Ta’ala Anhu.
Un Kee Riwayat Ko Aboo’l Muzaffar Yoosuf Bin Qarr Ali Sibt Ibn Al-Jauzi Ne Tazkirat-ul-Khawas-ul-Ummah Fee Ma’rifat-ul-A’immah Safah-28, Me Is Tarah Likha Hai Ki :
“Ahmad Ne Fazayl Me Kaha Ki Hadith Bayaan Kee Huim Se Abd-ur-Razzaque Ne Unhone Muammar Se Unhone Zuhri Se Unhone Khaalid Bin Muadaan Se Unhone Zadhaan Se Unhone Salman Farsi Se Unhone Rasool-E-Afzal-O-Akram SallAllahu Ta’ala Alayhi Wa Aalihi Wa Sallam Se Ki Farmaya Aap Ne : Mein Aur Ali Khuda Ke Saamne Aik Noor Tha
Hazrat Aadam Alaihissalam Ke Paida Hone Ke Chaar Hazaar Saal Qabl
Pas Jab Aadam Alaihissalam Paida Huwe To Us Noor Kee Taqseem Do-02 Joozwon Par Huwi
Aik Joozw Me Mein Hoo’n Aur Doosare Me Ali Aur Aik Riwayat Me Hai Ki Mein Aur Ali Aik Noor Se Paida Kiye Gaye.
Is Hadith Kee Riwayat Me Shiqah Hain Fazail Wa Mahaamad Abd-ur-Razzaque Wa Muammar Wa Zahri Muhataz-E-Bayan Nahin.
Khalid Bin Ma’daan Aur Zadhaan Un Ka Shiqah Hona Bhi Tasaanif-E-Dhahabi Wa Ibn Hazar Asqalani Me Maujood Hai.
Imam Ahmad Bin Hanbal Kee Madaa’ih Wa Mufaakhir Wa Fazail Wa Ma’asheer Bhi Roz-E-Roshan Kee Tarah Waazeh Dalaail Hain Jis Se Inkaar Nahin Ho Sakta (Mulahiza Ho Kutub Tawarikh Wa Asma-ur-Rijaal Wagairah) Sibt Ibn Jawzi Ke Mahaamid Jame’ Masanid Aboo Hanifah Wa Tarikh Ibn Khulkaan Wa Tarikh-ul-Abr Dhahabi, Wa Tarikh Aboo’l Fad Wa Tarikh Yafa’iy Wa Kasf-ul-Zanoon Wagairah Se Ma’loom Ho Sakte Hain.
Un Kee Tasnif Tazkirat-ul-Khawaas-ul-Ummah Mash’hoor-O-Ma’roof Kitab Hai.
Ibn Hajar Makki Ne Sawa’iq Muharriqah Me Aur Mirza Muhammad Badkhshi Ne Miftah-un-Naja Fi Manaqib’il-Aal-un-Nabi Me Aur Digar Ulama Ne Apni Apni Tasaanif Me Is Se Istadalaal Kiya Hai.
Ibn Wardi Ne Tatmat-ul-Mukhtasar Fi Akhbar-ul-Bashar Me Un Ke Haal Me Tasrih Se Likha Hai Ki Sibt Ibn Jawzi Ke Tasaanif Me Tazkirat-ul-Khawaas-ul-Ummah Hai Is Hadith Ke Mut’alliq Sibt Ibn Jawzi Likhte Hain :
“Pas Agar Kaha Jaaye Ki Ye Hadith Dha’if Kee Gayi Hai Is Ka Jawaab Ye Hai Ki Jo Hadith Dha’if Kee Gayi Us Kee Na Ye Isnaad Hain Aur Na Ye Alfaaz.
Alfaaz Yeh Hai Ki Mein Aur Haaroon Bin Imraan Wa Yahya Bin Zakariya Wa Ali Ibn Abi Talib Aik Mitti Se Paida Kiye Gaye, Doosari Riwayat Hai Ki Mein Aur Ali Aik Noor Se Paida Kiye Gaye Aur Hum Arsh Ke Dahine Jaanib Aadam Alaihissalam Ke Paida Hone Se Do-02 Hazaar Saal Qabl They Aur Hum Mardon Kee Peeth Me Muntaqil Hote Rahe
Abd-ul-Muttalib Tak Isnaad Me Logon Ka Qaul Hai Ki Is Sanad Me Muhamad Bin Khalf Marwazi Hain Jo Matrook Hain Aur Is Me Jafar Ibn Ahmad Bin Biyaan Hain Jo Shiey They Hum Ne Jis Hadith Ko Riwayat Kiya Woh Un Alfaaz Aur Isanad Ke Mukhalif Hai Is Kee Isnaad Me Sab Rijaal Shiqah Hai
Agar Ye Kaha Jaaye Ki Abd-ur-Razzaque Me Shiaapan Tha To Hum Ye Kahegi Ki Woh Ahmad Bin Hanbal Ke Bahut Bade Shuyukh Me They
Woh Sin’a’ Se Baghdad Gaye Yaha Tak Ki Un Se Hadith Suni Aur Kaha Ki Mein Ne Abd-ur-Razzaque Kee Misl Nahin Dekha Agar Un Me Bid’at Hoti To Un Se Woh Riwayat Hee Kyoon Karte Aur Hameshah Waqt-E-Mout Tak Isi Haal Par Rahe
Sab Se Badi Hadithe Jo Unhone Riwayat Kee Woh Musanad Me Hain, Kaii Tariqa Se Un Se Riwayat Kee Aur Sahih Me Bhi Un Se Takhrij Kee Gayi.
02 : Aboo Hatim Muhammad Bin Idris Hanzali Raazi.
Un Kee Riwayat Ko Ahmad Bin Muhammd Aasimi Ne Zayn-ul-Fata Fi Sharh Surah Hal Ata’ Me Hasbe Zayl Isnaad Se Riwayat Kiya :
_
(01) Husain Bin Muhammad
(02) Abd-ul-Allah Bin Abi Mansoor
(03) Muhammad Bin Bashir
(04) Muhammad Bin Idris Raazi
(05) Muhammad Bin Abd-ul-Allah Bin Al-Mushanna
(06) Hameed Al-Taweel
(07) Anas Bin Malik.
“Anas Bin Malik Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Farmate They Ki Makhlooqaat Kee Paidaaish Se Qabl Hum Aur Ali Aik Noor Se Paida Huwe Aur Arsh Kee Daahine Baazu Kee Taraf Khuda Kee Tasbeeh Kiya Karte They, Jab Hazrat Aadam Alaihissalam Bahisht Me Rakhe Gaye To Hum Un Kee Pusht Me They Aur Jab Hazrat Nooh Alaihissalam Kashti Par Sawaar Huwe To Us Waqt Hum Un Kee Pusht Me They Aur Jab Hazrat Ibrahim Alaihissalam Aag Me Daale Gaye To Hum Un Kee Pusht Me Maujood They Isi Tarah Allah Ta’ala Hum Ko Aslaab-E-Taahirah Se Arhaam-E-Tahirah Kee Taraf Muntaqil Karta Raha Hatta Ki Abd-ul-Muttalib Ke Sulb Kee Taraf Muntaqil Kar Ke Us Noor Ko Do-02 Hisson Me Munqasam Kar Diya, Mujh Ko Abd-ul-Allah Ke Sulb Me Aur Ali Ko Aboo Talib Ke Sulb Me Gardaana Mujh Ko Nubuwwat Aur Risalat Se Aur Ali Ko Shuja’at Aur Fasaahat Se Mumtaaz Farmaya Aur Apne Asma-E-Husnah Se Do Naam Mushfiq Farmaye Chunki Rabb-ul-Arsh Mahmood Hai Mein Muhammad Huwa Aur Woh Aala Hai Ye Ali Huwe.
03 : Abd-ul-Allah Ibn Ahmad Bin Muhammad Bin Hanbal.
Un Kee Riwayat Zawaid-ul-Musnad Hain Hasb-E-Zayl Isanaad Se Hai :
–
(01)Hasan
(02) Ahmad Bin Miqdam
(03) Fuzayl Bin Ayaaz
(04) Thaur Bin Yazeed
(05) Khalid Bin Muadaan
(06) Zadhaan
(07) Salman Farsi (Mulahiza Ho Hadith Number Arjah-ul-Matalib Safah-459) Abd-ul-Allah Bin Ahmad Bin Hanbal Kee Mada’ih Tazkirat-ul-Huffaz Dhahabi Wa Tahdhib-ut-Tahdhib Ibn Hajar Asqaalni Wa Tarikh Yafi’i Me Maujood Hain.
04 : Ahmad Bin Moosa Bin Mardawyah Asfahaani Un Kee Riwayat Ko Akhtab Khawarizmi Ne Manaqibe Khawarizmi Safah-87 Me Likha Hai.
“Khabar Dee Hum Ko Shahardaar Ne Aur Us Kee Ijaazat Dee, Kaha Khabar Dee Hum Ko Abdus Bin Abd-ul-Allah Bin Abdus Hamdaani Ne Bataure Kitaabat Kaha, Hadith Bayan Kee Hum Se Sharif Aboo Talib Ja’fari Ne Kaha Hadith Bayan Kee Hafiz Ibn Mardawyah Ne Kaha Hadith Bayan Kee Is’haq Bin Muhammad Bin Khalid Hashami Ne Kaha, Hadith Bayan Kee Hum Se Husain Bin Ismail Hammad Ne Apne Waalid Se Unhone Ziyad Bin Mundhar Se Unhone Muhammad Bin Ali (Imam Baqir) Se Unhone Ali Bin Husain Se Unhone Imam Husain Alaihissalam Se.
Unhone Hazrat Ali Alaihissalam Se Unhone Huzoor Nabi-E-Akram Hazrat SallAllahu Ta’ala Alayhi Wa Aalihi Wa Sallam Se Ki Farmaya Aap SallAllahu Ta’ala Alayhi Wa Aalihi Wa Sallam Ne : Mein Aur Ali Hazrat Aadam Alaihissalam Kee Takhliq Se Chawdah Hazaar Saal Qabl Aik Noor Se Paida Kiye Gaye
Jab Allah Ne Aadam Alaihissalam Ko Paida Kiya To Woh Noor Un Kee Sulb Me Raha
Phir Allah Us Ko Aik Sulb Se Doosare Sulb Me Muntaqil Karta Raha Yaha Tak Ki Woh Sulb-E-Abd-ul-Muttalib Me Jaaguzi Huwa Phir Us Ke Do-02 Hisse Huwe Aik Hissa Sulb-E-Abd-ul-Allah Me Raha Aur Doosara Sulb-E-Abi Talib Me
Pas Ali Mujh Se Hai Aur Mein Us Se Hoo’n
Us Ka Gosht Mera Gosht Aur Us Ka Khoon Mera Khoon Hai
Jis Ne Us Se Muhabbat Kee Meri Wajah Se Us Se Muhabbat Kee Aur Jis Ne Us Se Bughz Rakha Mere Bughz Kee Wajah Se Us Se Bughz Rakha.”
05 : Hafiz Aboo Umar Yoosuf Bin Abd-ul-Allah Ma’roof Ba Ibn Abd-ul-Barr Al-Namaqri Qurtabi, Un Kee Riwayat Bahjat-ul-Majalis Me Hai Us Kitab Ka Tazkirah Kashf-ul-Zunoon Me Bhi Hai.
06 : Abo Bakr Ahmad Bin Ali Bin Thabit Khatib Baghdadi.
Un Kee Riwayat Ko Muhammad Bin Yoosuf Kanji Ne Kifayat-ut-Talib Fi Manaqib Ali Bin Abi Talib Baab Al-Saabey Wa’l Shamanoon Me Is Tarah Likha Hai Jis Kee Riwayat Ye Hain :
–
(01)Ibrahim Ibn Barkaat Khashwa’i
(02) Hafiz Ali Bin Al-Husian
(03) Aboo’l Qasim Hibt-ul-Allah
(04) Hafiz Aboo Bakr Khatib
(05) Ali Bin Muuhammad Abd-ul-Allah Al-Adal-ul-Adali
(06) Aboo Ali Hasan Bin Safwaan
(07) Muhammad Bin Sahl Attar
(08) Aboo Dhakwan
(09) Harb Bin Hayyaan
(10) Ahmad Bin Amru
(11) Ahmad Bin Abd-ul-Allah
(12) Ubaid-ul-Allah Bin Amru
(13) Abd-ul-Karim Jazri
(14) Akramah
(15) Ibn Abbas RadiyAllahu Ta’ala Anhum.
“Ibn Abbas Se Marwi Se Hai Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Farmate They Ki Duniya Ki Paidaish Se Chaalish Hazaar Saal Qabl Allah Ne Aik Noor Kee Chhadi Paida Kar Ke Arsh Ke Saamne Nasb Kar Dee
Jab Mujhe Paida Karna Chaaha To Use Tod Kar Nisf Se Tumhare Nabi Aur Nisf Se Ali Ko Banaaya (Khatib Baghdadi Ne Apni Tarikh Me Aur Muhammad Bin Yoosuf Kunji Aur Shahab-ud-Deen Ahmad Ne Is Kee Takhrij Kee).”
07 : Aboo’l Hasan Ali Ibn Muhammad Bin At-Tayyab Al-Jalabi Ma’roof Ba Ibn Al-Maghazili Ash-Shafi’i Ne Teen Tareeqon Se Use Riwayat Kiya Hai Awwal Kee Riwayat Hasb-E-Zayl Hain :
–
(01)Aboo Ghaalib Muhammad Bin Ahmad Bin Sahl Nahvy
(02) Aboo’l Hasan Ali Ibn Mansoor Halabi
(03) Ali Bin Muhammad Aduwi
(04) Hasan Bin Ali Bin Zakariya
(05) Ahmad Bin Miqdam (Mulahiza Ho Riwayat Hadith No.03 Wa No,01 Ba-Riwayat Salaman Farsi RadiyAllahu Ta’ala Anhum) Dowm Kee Riwayat Hasb-E-Zayl Hian :
(01)Aboo Talib Muhammad Bin Ahmad Bin Ahmad Bin Uthman
(02) Muhammad Bin Al-Hasan Bin Salayman
(03) Abd-ul-Allah Bin Muhammad Akbari
(04) Abd-ul-Allah Bin Muhammad Bin Hassan
(05) Jaabir Bin Sahl
(06) Sahl Bin Amr
(07) Aamish
(08) Saalim Bin Abi Al-Ja’ad
(09) Aboo Dhar Ghaffari RadiyAllahu Ta’ala Anhum.
“Aboo Dhar Ghaffari Se Marwi Hai Ki Mein Ne Huzoor Nabi-E-Akram SallAllahu Ta’ala Alayhi Wa Aalihi Wa Sallam Ko Farmate Huwe Suna Ki Mein Aur Ali Aik Noor Tha Arsh Ke Daahine Jaanib Khuda Ke Saamne
Yeh Noor Allah Kee Tasbih Aur Taqaddush Qabl Khilqat-E-Aadam Alaihissalam Chawdah Hazaar Saal Karta Raha
Pas Me Aur Ali Aik Hee Chiz Raha Yaha Tak Ki Sulb-E-Abd-ul-Muttalib Me Hum Mutafarriq Ho Gaye Aik Juzw Mein Ho’n Aur Doosara Ali.”
Sowm Ke Riwayat Hasb-E-Zayl Hain :
(01)Aboo Ghalib Muhammad Bin Ahmad Bin Sahl Nahwi
(02) Aboo Abd-ul-Allah Muhammad Bin Ali Waasiti
(03) Ahmad Bin Ali Qawariri
(04) Muhammad Bin Abd-ul-Allah Bin Thaabit
(05) Muhammad Bin Masfa
(06) Baqiyyah Bin Al-Walid
(07) Suwaid Bin Abd-ul-Aziz
(08) Jaabir Bin Abd-ul-Allah Ansari RadiyAllahu Ta’ala Anhum.
“Jaabir Bin Abd-ul-Allah Huzoor Nabi-E-Akram Hazrat SallAllahu Ta’ala Alayhi Wa Aalihi Wa Sallam Se Riwayat Karte Hain Ki Allah Ta’ala Ne Aik Noor Ka Tukada Naazil Farmaya Aur Us Ko Hazrat Aadam Alaihissalam Ke Sulb Me Rakha Phir Us Ke Do-02 Juzw Kiye
Aik Juzw Abd-ul-Allah Ke Sulb Me Rakha Aur Doosara Aboo Taalib Ke Sulb Me Aur Mujh Ko Nabi Bana Kar Aur Ali Ko Wasee Bana Kar Zaahir Kiya.”
08 : Aboo Shuja’a Sharwayah Bin Shahardar Daylami Hamdani Ne Firdaws-ul-Akhbar Me Ba-Riwayat Hazrat Salman Farsi RadiyAllahu Ta’ala Anhu Likha (Yanabiy-ul-Mawaddah Safah-10) Daylami Kee Riwayat Me Yoon Hai Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
“Mein Aur Ali Aadam Kee Paidaish Se Chaar Hazaar Saal Qabl Aik Noor Se Paida Huwe
Jab Khuda Ne Aadam Alaihissalam Ko Paida Kiya To Woh Noor Un Ke Sulb Me Raha Yaha’n Tak Ki Abd-ul-Muttalib Me Aa Kar Tafriq Huwi
Mujh Me Nubuwwat Aayi Aur Ali Me Khilaafat.”
09 : Aboo Muhammad Ahmad Bin Ali Aasimi Ne Zayn-ul-Fata Fi Surah Hal Ata’ Me Ba-Tariq Ziyaad Ibn Al-Mundhar Riwayat Kiya Jo Hadith No.04 Me Ba-Riwayat Ibn Mardawyah Guzar Chuki. Unhone Hadith Muhammad Bin Zakariya Se Unhone Muhammad Bin Abd-ul-Allah Se Unhone Is’haq Bin Muhammad Bin Ali Bin Khalid Hashmi Se Riwayat Kee Ta-Aakhir.
10 : Aboo’l Fat’h Muhammad Bin Ali Bin Ibrahim Natanzi Ne Khasais Alwi Me Aboo Ali Hasan Bin Ahmad Se Unhone Aboo Nuaym Ahmad Bin Abd-ul-Allah Se Unhone Ahmad Bin Yoosuf Bin Khallaad Bin Nasibi Se Unhone Haarith Bin Asmah Se Unhone Dawood Bin Al-Majar Se Unhone Qays Bin Al-Rabi’ Se Unhone Ibaad Bin Kathir Se Unhone Aboo Uthman Raazi Se Unhone Hazrat Salman Farsi Se Unhone Huzoor Nabi-E-Akram SallAllahu Ta’ala Alayhi Wa Aalihi Wa Sallam Se Riwayat Kiya Ki
Aadam Alaihissalam Kee Takhliq Se Chawdah Hazaar Saal Qabl Mein Aur Ali Aik Noor Se Paida Huwe Aur Hum Arsh Ke Daahini Taraf Khuda Kee Tasbih Aur Taqaddus Kiya Karte They Jab Allah Ne Allah Ne Aadam Alaihissalam Ko Paida Kiya To Hum Ko Aslaab-E-Tahirah Se Arhaam-E-Tayyibah Me Muntaqil Karta Raha Yaha’n Tak Ki Hum Abd-ul-Muttalib Tak Pahunche Phir Hum Ko Do-02 Hisson Me Munqasam Kiya Aik Hisse Ko Sulb-E- Abd-ul-Allah Me Doosare Hisse Ko Sulb-E-Aboo Talib Me Rakha
Aik Hisse Se Mujh Ko Aur Doosare Hisse Ali Ko Paida Kiya Aur Hamare Liye Asma-E-Husna Se Naam Mushtaq Kiye
Allah Ta’ala Mahmood Hai Mein Muhammad Aur Woh Aala Hai Mera Bhai Ali Huwa Aur Woh Faatir Hai Meri Beti Fatimah Huwi Aur Woh Mohseen Hai Mere Bete Hasan Wa Husain Huwe Mera Naam Bah Zumrah Nubuwwat Aur Ali Ka Naam Bah Zumrah Khilaafat Wa Shuaja’at Darj Huwa
Mein Khuda Ka Rasool Hoo’n Aur Ali Us Kee Talwar Hai.”
11 : Aboo Mansoor Shahardar Bin Shardawyah Daylami.
Un Kee Riwayat Ko Akhtab Khawarizm Ne Safah-87 Manaqib Khawarizmi Mein Likha Hai.
12 : Aboo’l Mu’ayyad Muwaffaq Bin Ahmad Bin Ahmad Bin Abi Saeed Is’haq Ma’roof Bah Akhtab Khawarizam Ne Manaqib Khawarizami Me Likha Hai.
13 : Ali Bin Hasan Bin Hibt-ul-Allah Ma’roof Bah Ibn Asakir.
Un Kee Riwayat Ko Muhammad Bin Yoosuf Kanji Shafi’i Ne Kifayat-ut-Talib ME Likha Hai (Arjah-ul-Matalib, Safah-459)
14 : Aboo’l Reja Noor-ud-Deen Mahmood Bin Muhammad Saalihaani.
Un Kee Riwayat Ko Shahab-ud-Deen Ahmad Ne Tawzih-ud-Dalail Ala Tarjih-ul-Fazail Me Likha (Mulahiza Ho Arjah-ul-Matalib, Safah-458)
15 : Aboo’l Fatah Naasir Bin Al-Makaarim Matarzi In Kee Riwayat Ko Hamwini Ne Fara’id-us-Simtain Mein Likha (Arjah-ul-Matalib, Safah-459)
Matarzi Akhtab Khawarizm Se Riwayat Karte Hain Un Se Muhib-ud-Deen Najaran Un Se Aboo Talib Bin Husain Un Se Hamwini.
16 : Aboo Muhammd Qasim Bin Al-Husain Bin Muhammad Khawarizmi (Arjah-ul-Matalib, Safah-459)
17 : Aboo’l Qasim Imam-ud-Deen Abd-ul-Karim Muhammad Rafi’i Qazwini Ne Hadith-E-Noor Riwayat Kee Shaykh Abd-ul-Qadir Bin Abi Saleh Ajily Se Unhone Aboo’l Barkaat Hibt-ul-Allah Bin Moosa Unhone Qaazi Aboo’l Muzaffar Hanaad Bin Ibrahim Se Unhone Aboo’l Hasan Muhammad Bin Moosa Se Unhone Muhammad Bin Al-Farhan Se Unhone Qazi Muhammad Bin Yazeed Se Unhone Labib Bin Saeed Se Unhone Ula Bin Abd-ur-Rahman Se Unhone Abd-ur-Rahman Se Unhone Hazrat Aboo Hurayrah RadiyAllahu Ta’ala Anhum Se.
“Aboo Hurayrah Se Marwi Hai Aur Woh Huzoor Nabi-E-Akram SallAllahu Ta’ala Alayhi Wa Aalihi Wa Sallam Se Riwayat Karte Hain Ki Jab Allah Ne Aboo’l Bashar Ko Paida Kiya Aur Un Ke Jism Me Apni Rooh Phoonki To Hazrat Aadam Alaihissalam Ne Arsh Ke Daahine Baazu Kee Taraf Nigaah Utha Kar Dekha To Paanch-05 Jism-E-Nooraani Rukoo’ Wa Sujood Me Nazar Aayein
Poochha Ki Khudawanda Kya Toone Mujh Se Pehle Kisi Ko Khaak Se Paida Farma Diya Hai
Irshaad Huwa Ki Nahin Arz Kiya Ki Ye Koun Log Hain ? Jin Ko Mein Apni Soorat Aur Hayyat Par Dekh Raha Hoo’n
Allah Ta’ala Ne Farmaya Ye Teri Awlaad Me Se Paanch-05 Shakhs Hain Jin Ke Liye Mein Ne Apne Naamon Me Se Paanch-05 Naam Mushtaq Kiye Agar Ye Na Hote To Me Jannat Wa Dozakh Wa Arsh Wa Kursi Wa Aasman Wa Zameen Wa Farishte Jin Wa Insaan Wagairah Paida Na Karta. Mein Mahmood Hoo’n Aur Ye Muhammad, Mein Aala Hoo’n Aur Ye Ali, Mein Faatir Hoo’n Aur Ye Fatimah, Mein Ehsaan Hoo’n Ye Hasan, Mein Mohseen Hoo’n Ye Husain. Mujhe Apni Izzat Kee Qasam Agar Koi Aik Raai Ke Barabar Bhi In Ka Bughz Le Kar Mere Paas Aayega To Mein Use Dozakh Me Daalunga. Aye Aadam Ye Mere Barguzidah Hain In Kee Wajah Se Bahuton Ko Nazaat Dunga Aur Bahuton Ko Halaak Karunga. Jab Tujh Ko Koi Haajat Pesh Aaye In Ko Wasila Bana. Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya Ki Hum Nazaat Kee Kashti Hain Jis Ne Is Kashti Ke Saath Apna Ta’lluq Ikhtiyar Kiya Woh Nazaat Pa Gaya Aur Jis Ne Earaaz Kiya Halaaq Ho Gaya
Jis Kisi Ko Khuda Se Apni Haazat Rawaai Manzoor Ho Us Ko Chaahiye Ki Hum Ahl-E-Bay’at Ko Khuda Kee Janaab Mein Wasila Gardaane (Aboo’l Qasim Abd-ul-Karim Bin Muhammad Bin Abd-ul-Karim Rafi’i Wa Ibrahim Ibn Al-Hamwini Ne Is Kee Takhriz Kee).”
18 : Aboo’l Rabi’ Sulayman Bin Moosa Bin Saalim Kilaa’i Ma’roof Ba Ibn Saboo’ Andalusi Ne Kitab-ush-Shifa’ Me Likha (Arjah-ul-Matalib, Safah-458)
19 : Muhammad Bin Yusoof Bin Muhammad Kanji Shafi’i Ne Kifayat-ut-Talib Baab-87 Safah-53 Wa 113 Me Likha.
In Kee Riwayat Ibn Abbas RadiyAllahu Ta’ala Anhu Kee Marwi Arjah-ul-Matalib Safah-461 Me Bhi Hai.
20 : Aboo’l Abbas Muhib-ud-Deen Ahmad Bin Abd-ul-Allah At-Tabari (Riyad-un-Nadarah Jild-02 Safah-164)
21 : Ibrahim Bin Muhammad Bin Muhammad Bin Abi Bakar Bin Abi’l Hasan Bin Muhammad Bin Al-Hamwayah Al-Juwayni Al-Hamwini Ne Is Hadith Ko Fara’id-ul-Simtain Me Shaykh-ul-Adal Baha-ud-Deen Muhammad Bin Yusoof Barazani Se Unhone Shaykh Ahmad Umawi Se Unhone Jamal-ud-Deen Ahmad Qazwini Se Unhone Aboo’l Qasim Imam-ud-Deen Abd-ul-Karim Rafi’i Qazwini Se Unhone Shaykh-ul-Aalam Abd-ul-Qadir Bin Abi Saleh Jili Se Ta-Akhir Riwayat Kiya (Mulahiza Ho Arjah-ul-Matalib Safah-461 Wa No.-17 Wa Yanabiy Al-Mawaddah Safah-11)
22 : Jamal-ud-Deen Muhammad Bin Yusoof Bin Muhammad Bin Al-Hasan Madani Zarandi (Arjah-ul-Matalib Safah-461)
23 : Saiyad Muhammad Bin Yusoof Husaini Ma’roof Bah Gaisudaraz (Kitab-ul-Lasamar Qalami Samr Chahl Wa Haftum)
24 : Saiyed Muhammad Bin Ja’far Makki.
Bahr-ul-Ansab (Manaqib-E-Murtazwi Lil-Shaykh Muhammad Saaleh Kashfi Safah-40)
25 : Jalal-ud-Deen Bukhari Ma’roof Bah Makhdoom Jahaniya’n.
Khazana-E-Jalaali (Manaqib-E-Murtazwi Safah-40)
26 : Saiyad Ali Bin Shahab-ud-Deen Hamdani (Mawaddat-ul-Qurba Mashmawlah Ya-Nabiy Al-Mawaddah Mawaddah Thaminah Safah-354)
27 : Jalal-ud-Deen Ahmad Khajundi (Tawzih-ul-Dalail Qalami)
28 : Saiyad Shahab-ud-Deen Ahmad, Tawzih-ul-Dalail (Arjah-ul-Matalib Safah-459)
29 : Malik-ul-Ulama’ Shahab-ud-Deen Bin Shams-ud-Deen Bin Umar Dawlatabadi.
Hidayat-ul-Sa’ada’ (Manaqib-E-Murtrazwi Safah-40)
30 : Ibn Hajar Asqalani, Tasdid-ul-Qaws Fi Mukhtasar Musnad-ul-Firdaws Qalami.
31 : Ahmad Bin Muhammad Haani Husaini Shafi’i Tabar-ul-Mazahib Qalami Ba-Riwayat Imam Ahmad Bin Hanbal.
32 : Ibrahim Bin Abd-ul-Allah Wasaabi Yamani Shafi’i, Kitab-ul-Iktafa’ (Arjah-ul-Matalib Safah-458)
33 : Jamal-ud-Deen Muhaddith Ata’-ul-Allah Bin Fazl-ul-Allah Bin Abd-ur-Rahman Shirazi Nishapoori, Kitab-ul-Arbain Qalami.
34 : Shaykh Muhammad Waaiz Harwi, Riyad-ul-Faza’il Qalami Fasl-ul-Haadi Ashr.
35 : Saiyad Muhammad Bin Saiyad Jalal Maah-E-Allam, Tazkirat-ul-Abrar Qalami.
36 : Muhammad Sadr-ul-Aalam, Mearaj-ul-Ali Qalami.
37 : Shaykh Muhammad Saaleh Kashfi, Manaqib-E-Murtazwi Safah-39 Ba-Riwayat Kitab-ul-Arbain Aboo’l Makaarim Hasan Damghani Wanza-ul-Saerin Wagairah.
38 : Shaykh Muhammad Sulayman Hanafi Balakhi Qanduzi, Ya-Nabi Al-Mawaddah Safah-09
39 : Maulwi Ubayd-ul-Allah Bismil Amritsari (Arjah-ul-Matalib Safah-459)
40 : Shaykh Farid-ud-Deen Muhammad Ata’ Nishapoori, Asrarnaamah :
تو نور احمد وحيدر ياكى دان
کے تا گردو اسرار آسان
Mashnawi :
پیمبر گفتہ است اے نور دیدہ
زیک نوریم ہر دو آفریدہ
علی چون با نبی آمد زیک نور
یکی باشند ہر دوئی دور
Is Hadith-E-Noor Se Jis Tarah Ka Sharf Wa Qurb Wa Maeeyyat Wa Ittihad Ba Hasab-E-Zaahir Wa Baatin Hazrat Amir-ul-Momineen Ali Murtaza KarramAllahu Ta’ala Waj’hah-ul-Karim Ko Hazrat Saiyad-ul-Mursalin Khatim-un-Nabiyyin Ahmad-E-Mujtaba Muhammad Mustafa SallAllahu Ta’ala Alayhi Wa Aalihi Wa Sallam Se Haasil Hota Hai Is Me Ahl-E-Bay’at-E-Uzzam Wa Sahaba-E-Kiram Ridwan-ul-Allahi Ta’ala Alayhim Aj’maeen Me Se Koi Bhi Aap Ka Hum Pall Nahin Ho Sakta
(Manaqib-E-Murtazwi, Musannif : Hazrat Shaykh SaiyadMuhammad Saaleh Kashfi Hanafi Rahmat-ul-Allahi Ta’ala Alayh, Safah-37)
Nafa’is-ul-Minan Fi Ziqr-E-Fazail-E-Saiyadna Abil Hasan, Muallif : Maulvi Hafiz Muhammad Ali Haidar Alvi Kankorwi Rahmat-ul-Allahi Ta’ala Alayh…
Comments
Post a Comment